أبيات بالكرم لشاعر الثقلين ممدوح المرزوقي

كان انت ما تقدر على هبّة الريح

كثّر من الترحيب والابتسامه

ترى الكرم ماهوب جدع المفاطيح

للجود في وجه المرحّب علامه

وما قدّمت يمناك عند المفاليح

يسدّهم ما يلحقونك ملامه

ممدوح بن عبدالله المرزوقي

شاعر الثقلين

قصيدة صفية لشاعر الثقلين ممدوح المرزوقي

...

قصيدة ( صفيّه ) للشاعر ممدوح بن عبدالله المرزوقي ( شاعر الثقلين ) فك الله أسره

كتبها بعد استشهاد ابنه ( عقاب ) تقبله الله بثلاثة أشهر

...

صـــفـــيّـــه

 

مـدري خـديـج  آخـيـر  والا صـفيّه

بـس الـوكـاد آخـيـر مـن كل الأصحاب

الـخـادمـه  عـزّت  وهـي  أجـنـبيّه

وأصحابــي الـغـالـيــن مـا دقّـوا الـبـاب

مــاذمّـهــم   لــكـنّـهـا   الــداخـلـيّـه

خلّت مـوالـيـف الـعـرب مـثـل الأجناب

يــوم  آتــذكّـر  بـالـرجـال  الـوفـيّه

أنـهـتْ واقـول الـذل خضّاع  الأرقـاب

ويـن  الـوفـا  ياهل  الوجيه  النديّه

لا وآسـفـا الـعـزوه وتـربـيـة الأشـنـاب

أثـر الـوفـا  فـي حـزّة  الـمـكرهـيّه

مـا يـقـدره مـن خـيـرة الـنـاس هــيّـاب

يـا  طـيـبـكم  يـا  ربعي  الا  بذيّه

وذيّـه تـهـدّ  الـبـيـت وتـجـذّ  الأطـنـاب

صـبـرت  عـشر سنين  والقيد فيّه

ولا والله الا شـفـت ما عـفـت يا عقاب

يـا عـقـاب رحنا  في وطنّا ضحيّه

ومن عقب ماني طيّبن صرت منصاب

مـنـصـاب  في ربعن  لهم مقدريّه

والا الـحـكـومـه ما حـسـبـنا لها حساب

الـعـز   يـبـغـالـه   قـلوبن   جريّه

وصـبـرن عـلى الأقـدار والحق غـلّاب

ومـالـي عـلى تـرك المواجيب نيّه

حتى عـلى قـبري  يـحـطّـون الأنصاب

والـديـره  اللي   مـابهلها   حـمـيّه

عـسـى يـفـرّخ فـوقـهـا  الـبـوم والـداب

مـالـي بـهـا  والـنفس  عنها  غنيّه

لـو خـاطـري مـن حـبّـها ما بعد طاب

مـالـي بـهـا  لو هـي  ديارن عذّيه

ولو هي عـليّ آحـب من حب الأحباب

مـالـي بـهـا  لـو الـديـار  اعْــربيّه

يا كـود يـغـشـاهـا مـن الــقـوم حـرّاب

هاك النهار ان غـبـت عـيبن عليّه

لا  كـبّـروا  والا  تـنـادوا  بــالألـقـاب

حنّا   لها   لـو   الـجـراير   قويّه

وعـلـى الـجـزيـرة مـا نخلّي لهم باب

مـن دونـهـا نـرسي مراسي طميّه

مـع عصبة التوحيد سادات الإرهاب

أهـل  الوفا  والعز  في  كل  هيّه

هــدّامـة الــطـابـور لا كـشّـر الـنـاب

وأهـل  المكارم  والنفوس  الأبيّه

روس الرجال مروّضة كل غصّاب

قومن على ضرب السلاح ودويّه

تصبح عـلـى عـدوانها ذنب وعقاب

نـزايعن مـن كـل  صـوب ونحيّه

يامَن بهم مـن كان خـايف ومـرتاب

ودّي بهم  وقـيـود رجلي عـصيّه

وسبحان مـن يعلم خـفيّات الأسـباب

ولـو طـوّلت فينا  السجون العتيّه

يفرج لنا مـن رحمته رب الأربـاب

الـواحـد  الـمعبود  رب  الـبـريّه

بـيـديـه سـبـحـانـه مفاتيح الأبــواب

...

قصيدة وافي لشاعر الثقلين ممدوح المرزوقي

( وافي )

يا عقاب بالله سلّم لي على وافي
وقلّه ترى ابوك حال السجن من دونه

لو دونك النار لاطا جمرها حافي
لكنّه القيد قيد السجن وحصونه

امنوّل ألاعبك في كل مشرافي
واليوم ويني ووين اللعب وفنونه

متى عيوني تشوفك وانت متعافي
يا روح روحي ويا قلبي ومضنونه

يالله يالواحد المعبود يالشافي
تشفيه وتقرّ عين اللي يحبّونه

حبّه بقلبي يهيّج عطفه الدافي
لين اصبحت سنّتن للقلب مسنونه

وقبله محبة اخوانه عطفها كافي
واقلبي اللي عليهم يبست غصونه

يا عقاب لاطف اخوانك لا تجي جافي
واياك وايّا الصغيّر لا تبكّونه

وسلّم عليهم جميع بكل الاطرافي
تسليمتن من فؤادن هاضت شجونه

ياما على شوفكم عضّيت الاشافي
وغصّيت في عبرتن بالقلب مكنونه

اخاف من عبرتي للناس تنشافي
وطال الفراق المرير وطالت حزونه

يا سجن ذهبان بيّن شرّك الخافي
اللي مع الناس قبل العام يطرونه

إليا خذينا يجينا واحدن لافي
ويا دوب نوحي خبر واحد يفكّونه

ومهما تحاول تضيّق مابه خلافي
الله يوسع لنا بالسجن وركونه

ومن فضل ربي علينا جوّنا صافي
لو حاولوا بعض خلق الله يحوسونه

ومن رحمة الله يمرّ الوقت خطّافي
اسرع من البرق عند اللي يحسبونه

يا سجن عندي جميلك فوق الاكتافي
ماوالله انساه لو سورك يقضّونه

بيّنت لي صحبة البوّار والوافي
واللي بعد طال سجني قفّت ضعونه

والسجن مثل المرض لا طال يا كافي
من طاح ربعه مع الايام ينسونه

مرّت عليّ السنين بثوبها الضافي
ولاهي على غرّة الاجواد مامونه

والديره اللي غشاها الظلم تنعافي
لو تنبنى بالذهب والمسك مدهونه

ممدوح بن عبدالله المرزوقي
"شاعر الثقلين"

قصيدة الود لشاعر الثقلين ممدوح المرزوقي

.. " الــــــود " ..

وآقـلـبي اللي كـل مـا خــاطــري زان
تسري عـلـيـه من الـهـواجـيـس زافه

تـعـرض حـيـاتـه مع طويلين الأيـمان
ربـعــن خـذتـهـم مـيـلـتـن وانـجــرافه

عـنـد الـمـلـمّـة جـل الاصحاب ما بان
مـدري بــلاهــم خـــوف والا صــلافه

ولو يـعـلـمـون الـود والـود وش كان
تـسـابـقــوا عــقــب الـجـــفـا للــولافه

يـا زين وصل الود والقلب عـطـشـان
ويـا شين مـن بـعـد الــوداد الـجــلافه

مـا يـجــتـمـع قـلـبـيـن دالـه وولــهـان
إلا وعـقــب الاجــتـــمــاع انــصــرافه

الـود مـا يـبـغى قــطـاعـه وهــجــران
يـبـغى قـلـوبـن غـاشــيـتـهـا الـنـظـافه

والـشـوق يمشي بالـقـدم وين ما كان
مـا يـحـسـب حـسـاب المدى والكلافه

والـحـــر والله مـا تــردّيــه الاكـــوان
ولا يـخـتـلــف لـو سـلـمـوه الـخــلافه

واللي يحسب حساب دورات الازمان
تــلـــقــاه لا جـا بـالــزمـان اخــتـلافه

والـنـاس مثل الناس في كـل الاوطان
إلا بــديـن الله تـــبــان الـــمــــســـافه

أحــدن يــشــيــد داخــل الـقـلـب بنيان
واحـدن يـهــد بـنـايـتـه مـن ضـعــافه

عــز اللـقـا دوني سـلاسـل وقـضـبان
وحتى الـســـؤال يـعــز لا وآحــسـافه

هـذا وانـا مـانـيـب مـذنـب وغــلـطان
وشـلـون لــو اذنــبـت مــا فـيـه رافه

يـا سـجـن قـل لـفـلان وفـلان وفـلان
السجن للـمـسـجــون مـثـل المضافه

لا راح عـنـد الضيق كلّن على شـان
كيف اللـقـا عقب انتهاي الـضــيـافه

ممدوح بن عبد الله المرزوقي
شاعر الثقلين

قصيدة العين الشقية لشاعر الثقلين ممدوح المرزوقي

" العين الشقية "

.

.

.

رعاك الله يالعين الشقيّه

زمان البين سوّا بك سوايا

طَرَقك من القدر نارن لظيّه

لها باقصى معاليقي كوايا

قهر وهموم وهجوسن قويّه

تَنَاهش بالحشا مثل الحيايا

واجرّ الصوت وجروحي خفيّه

واكفّ الدمع عن شوف البرايا

أخاف الهرج لا يلحق عليّه

كلام الناس أشدّ من الشضايا

وتضيق الأرض بالنفس الأبيّه

إلى أذّوها حميدين السجايا

ألا يا ليل يا ليل الأسيّه

أخاف أبيح من طولك عنايا

عليّ همومن أثقل من طميّه

تصارعني وتحرمني كرايا

واشيل الحمل واسوق المطيّه

على دربن تعزّ ابه المطايا

رياض العز تسقيها المنيّه

وعزيز القوم بوجيه المنايا

واشوف الموت واشوف الضحيّه

واشوف اللي يلوّذ بالزوايا

ومن مابه على نفسه حميّه

يعيش بذل وسنينٍ عرايا

ألا يا دهر وش باقي قضيّه

عسى ما عاد للماضي بقايا

كظمت الغيظ والذمّه بريّه

أحسب حساب واحسن بالنوايا

وصبري من عصور الجاهليّه

تحمّلته بما فيه الكفايا

جروح ونار وعيونٍ قزيّه

تقرّبني لساعة منتهايا

أعيش بداخلي مالي هويّه

غريب ومحرقن كبدي ضمايا

ووطيت النار واثر النار حيّه

واخذت أعوام أدوّر عن دوايا

أحسب إن الدوا بالصيدليّه

إلين الشمس غابت عن سمايا

ولالي في طريق الوصل نيّه

ولالي في طريق الهجر غايا

أسوق الرجل مالي مقدريّه

وادوس الشوك واقدامي حفايا

ولا ضاقت عليّ الجرهديّه

جذبت الصوت من بين الحنايا

أنقّض بالجروح الداخليّه

واغسل الجرح من صافي دمايا

واضمّد جرح قلبي في يديّه

واحسّ الموت الاحمر في حشايا

طعون الغدر ورماح الأذيّه

من الغالين للوافي جنايا

ولا مني تقبّلت الخطيّه

عسى الله يحسن بروحي عزايا

وألا يالله يا رب البريّه

تروف بحال مطعون الخفايا

.

.

.

ممدوح بن عبدالله المرزوقي

" شاعر الثقلين "

قصيدة ريم لشاعر الثقلين ممدوح المرزوقي

" ريـــــم "

.

.

.

أبكي وعيني تسهر الليل يـا ريـم

مدري بلاها الشوق والا الظليمـه

يا ريم دمع العين مدري على الريم

والا على قلبن تواكـل صميمـه

تقول لاطمني علـى نونهـا سيـم

أبكي وعندي لأزرق الدمع قيمـه

ويمكن يكون الدمع للعيـن تكريـم

ويمكن يكون إلها عذاب وحريمـه

والله يا لولا دمعتـن كنهـا الديـم

راحت ضلوعي من عذابي حطيمه

ودام البكا يا ريم ما فيـه تحريـم

يا عنك والله لأرخص الدمع شيمه

وابكي على حالي من الوجد وآهيم

لين الزمن يخلـف عليّـه نسيمـه

أبكي حياتن صافيه ما بهـا غيـم

وين المحبـة والقلـوب السليمـه

أبكي قهر وابكي من الغبن والضيم

وابكي من طعونن بقلبـي قديمـه

حكم الزمن خلّى بوجهي مراسيم

وما يذبح الرجال مثـل الهزيمـه

بعض المصايب شرها ياكل الهيم

وشلون بكبود الرجـال الكريمـه

وبعض المصايب يخلفنّ المفاهيـم

تبغى على ما قيل صبر وعزيمـه

مظلوم بالدنيـا وغيـري مظاليـم

من عَرض ناسن لبّسوهم جريمـه

ما عاد أبي من سود الأيام تعليـم

عقب العذاب اللي كلاني جحيمـه

ولو تصفي الدنيا علـيّ الملازيـم

ما عاد أدوّر من وراهـا غنيمـه

.

.

.

ممدوح بن عبدالله المرزوقي

" شاعر الثقلين "