'' دمعة عزيز ''
لـيه الـبكا يـا عـين وقـت الـزياره
لـو ان مـثلي لـو بكا أيام معذور
يـا عـين دمـعـك هـم والا بـشاره
والا من اللي بين الأضلاع محشور
مـتخالطن فـيه الـحـلا والـمراره
لوم وعتب للنفس واشواق وسرور
لـولاه مـنـي مـا تـصـوّرت نـاره
والـظاهر اني فيه مذنب وماجور
دمـعـن يـكـود بـحبسته وانـحداره
قـام يـتغرغر لين غـضّيت مـجبور
وازريـت أتمّم للضيوف الـعـبـاره
من عبرتن قامت تكسّر على الزّور
أثـر اللقا لـه بالـضـمـايـر حـراره
عقب الفراق اللي له سنين وشهور
بـعض الـمواقف ما تجي بالشطاره
أمرن يزلزل داخل القلب ويثور
ثـورة مـشـاعـر قلب سـامـي وقاره
ودمعـة عـزيزن بالزنازين مـاسـور
أوّاه يــا دنـيـا الـنـدم والـخـساره
الله يـصـبّرنا عـلـى الـظلم والـجور
لــولاي أبـشّـر خـاطـري بـاصـطباره
راحـت عـليّ أيامي أثـقل من الطُور
يـا سـجن لـو طـال الوعد وانتظاره
يوم الفرج عند الولي كنّه الـنـور
شــــدّد عــلـى بـيـباننا بالخـفاره
لا راد رب البيت ما ردّنا الـــســور
مانيب أدوّر حـاجـتـي بـالـوزاره
عيني على الفردوس وملاعب الحور
وكـلن يـبـا يلقى عمله ومساره
والآدمي منهي من الله ومامور
ممدوح بن عبدالله المرزوقي
'' شاعر الثقلين ''
ليست هناك تعليقات:
إرسال تعليق